Бүгін Мемлекет басшысы Қасым-Жомарт Тоқаевтың шақыруымен Франция президенті Эмманюэль Макрон ресми сапармен Қазақстанға келеді. Екі ел басшылары сауда-экономикалық, инвестициялық және энергетикалық ынтымақтастықты нығайту жөнінде келіссөз жүргізеді. Сондай-ақ халықаралық және өңірлік мәселелерді талқыланады. Айта кету керек, 2021 жылы екі ел арасында Қазақстан-Франция сауда-экономикалық және инвестициялық ынтымақтастығының 2030 жылға дейінгі жол картасына қол қойылды. Ал Президент Қасым-Жомарт Тоқаевтың былтырғы Францияға сапары барысында жалпы сомасы $3 млрд болатын 25 құжатқа қол қойылған болатын.