Түркістанда облыстық денсаулық сақтау басқармасының 2023 жылдың қорытындысы бойынша алқа отырысы өтті. Онда туберкулез, қатерлі ісік ауруларымен күрес, алдын алу шаралары сөз болды. Бұдан кейін жұмыс барысындағы кемшіліктер сараланып, аудандық аурухана дәрігерлерінің уәждері тыңдалды. Мәжілісте халыққа сапалы медициналық көмек көрсетудің жолдары да қаралды. Жиында облыс әкімінің орынбасары Бейсен Тәжібаев медициналық қызмет сапасын жақсартуды, дәрігерлер біліктілігін арттыруды, медициналық мекемелердің материалдық-техникалық базасын күшейтуді, жаңа нысандар құрылысы мен күрделі жөндеуге қадағалау жүргізуді күшейтуді тапсырды. Айта кетейік, қазіргі таңда Түркістан облысында 45 мекеме 756 медициналық ұйымдар жұмыс істейді.