Түркістан облысындағы Кентау қаласы мен Бәйдібек аудандары экологиялық апатты аймаққа енуі тиіс. Парламент мәжілісінің жалпы отырысында депутат Ұласбек Сәдібеков Экология министрлігіне аймақтағы экологиялық ахуалға қатысты депутаттық сауал жолдады. Халық қалаулысының айтуынша, Кентау қаласындағы ауа мен судың ластануынан қала тұрғындарының арасында онкологиялық аурулар да асқына түскен.