"Арқа жайлы болса, арқар асып несі бар". Соңғы жылдары оңтүстік аймақтан Солтүстік қазақстан облысына көшіп келген 600 адам бұл өңірден қайта көшіп кеткен. Мәжіліс депутаты Дәулет Мұқаевтың айтуынша, «Қуатты өңірлер – елді дамытудың драйвері» ұлттық жобасын іске асыру шеңберінде өткен жылы Теріскейге 7 923 адам қоныс аударған. Ал, 2021-2025 жылдарға бұл бағдарламаға 46,7 миллиард теңге бөлініпті. Дегенмен бұл оң нәтижесін бермей отыр. Өйткені Солтүстік Қазақстанда жұмыс көзі аз, өмір сүру деңгейі төмен, ал берілген баспаналардың сапасы сын көтермейді дейді депутат.