Бүгін аса көрнекті мемлекет және қоғам қайраткері Дінмұхамед Ахметұлы Қонаевтың туғанына 112 жыл. Қазақстан компартиясының бірінші хатшысы лауазымын атқарған тұста қазақ даласында 47 қала бой көтерген. Сондай-ақ өңірдің өндірістік ісі 8,9, ауыл шаруашылығы 6,2 құрылыс саласы 68 есе өскен. Ширек ғасыр мемлекет тізгінін ұстап, елдің дамуына орасан зор үлес қосқан азаматтың құрметіне Түркістан қаласында «Қонаев – ғасыр адамы» атты мәдени танымдық шара өтті. Бағдарлама аясында тұлғаның өмір жолы таныстырылып, қойылым да көрсетілді.