Жыл өткен сайын елімізде сайлауға қатысушылар саны азайып барады. Мәселен, былтыр өткен парламент депутаттарын сайлауға 12 млн аса қазақстандық қатысады деп жоспарланған. Алайда оның 6 млн 517 мыңы ғана науқанда өз таңдауын жасады. Ол сайлаушылардың 50 пайызынан әрең асады. Бұл туралы дүниежүзілік сайлау күніне орай ұйымдастырылған жиында айтылды. Отырысқа қалалық аумақтық сайлау комиссиялары мен профессор-оқытушылар, жастар мен үкіметтік емес ұйым өкілдері қатысып, сайлау жүйесінің даму кезеңдері туралы сөз қозғады.