Республикада ауыз сумен толық қамтамасыз етілмеген 24 қала мен мыңнан астам елдімекен бар. Тіршілік нәріне қол жеткізе алмай отырған ауылдарды ауыз сумен қамту үшін елде 2000 шақырым су құбыры салынады. Бұл туралы Үкімет отырысында айтылды. Биылдың өзінде бұл бағытта 324 жобаны іске асыруға 218 млрд теңге қаражат бөлінеді. Осылайша, ауыл халқының 97,8%-ін ауызсумен қамту көзделіп отыр.