Жалған түбіртек көрсетіп, тегін ас ішкен шымкенттік сотталды. 30 жастағы қала тұрғыны қоғамдық тамақтану орнында тегін ас ішіп, азық-түлікке ақша үнемдеуді шешкен. Кассирлерге төлем жасау кезінде ол электронды аударымның жалған түбіртектерін көрсетіп, екі күн ішінде 5-6 рет тегін тамақтанған. Тұрақты келушіге алданғанын білген дәмхана қызметкерлері бұл туралы полицияға хабарлаған. Үш күндік іздеу жұмыстарының нәтижесінде тегін тамақ ішуге дағдыланған азамат қала аумағында ұсталды. Оның осы көктемде де тонау бойынша істі болғаны анықталды. Әрі бас бостандығын шектеу жазасын әлі де өтеп жатқаны белгілі болды. Аталған жазаның өтелмеген уақытын қосқанда сотталушы 3,5 жылға бас бостандығынан айырылды.