Түркістан қаласында жаңа үлгідегі учаскелік полиция бекеті ашылды. Жаңа пункт Түркістанның тұрғындар саны қарқынды өсіп келе жатқан Отырар шағын ауданында орналасқан. Жергілікті полицейлердің жаңа ғимаратқа қоныстануына ҚР Ішкі істер министрі Ержан Саденов арнайы келді. Түркістан облысының әкімі Дархан Сатыбалды, Түркістан облысы полиция департаментінің бастығы Мұрат Қабденов жаңа бекеттің жұмысымен танысып, жергілікті тұрғындармен жүздесті. Учаскелік бекет қажетті құрал-жабдықтармен толық қамтамасыз етілген. Учаскелік инспектор тұрғындардың арыз-шағымын осында қабылдап, кез-келген мәселеге дер кезінде ден қояды. Атап айтқанда, мұнда кәмелетке толмағандар істері жөніндегі инспекторлармен қатар, көші-қон қызметі, әкімшілік практика, пробация қызметкерлерінің жұмыс орындары, демалыс орындары қарастырылған.