Жапония премьер-министрі жер сілкінісіне байланысты Қазақстанға келмейтін болды. Ақпаратты Қазақстанның Сыртқы істер министрі растады. Ол Астанада "Орталық Азия - Жапония" диалогының бірінші саммитіне қатысуы керек еді. Елшілік өкілдері қазақстандық тараптан кешірім сұрады. Айта кетсек, кеше Жапонияда жойқын жер сілкінісі болды. Оның магнитудасы 7,1-ге жеткен. Табиғи апаттан 3 адам зардап шеккен. Аймақта қозғалыс шектелді. Токио халықаралық әуежайында рейстер кейінге шегеріліп, 13 мың жолаушы сапарынан қалды.