Түркістанда жас әншілер мен жүргізушілер арасында іріктеу өтті. «Жас талант»-2024 байқауында 14 пен 21 жас аралығындағы 23 адам қатысты. Онда әншілер жанды дауыста патриоттық ән орындаса, жүргізушілер кез келген тақырыпта мәдени іс-шара жүргізеді. Жас өнерпаздардың талантын ашатын бұл байқауды Түркістан қалалық мәдениет үйі ұйымдастырды. Сайыс 15 жылдан бері дәстүрлі түрде өткізіліп келеді. Осы уақыт аралығында талай жастың бағы ашылып, түрлі өнерпаздар елге кеңірек танылған.