Астанада Түркістандық жас қаламгердің жаңа кітабы жарық көрді. Жас ақын Жәмила Бахтиярқызының туындысы «Қарлығаш. Махаббат ескерткіші» деп аталады. Қаламгер жаңа кітабында қоғамның дертіне айналған жастар арасындағы өзекті мәселелерді жазыпты. Екі жыл бұрын жазылған тырнақалды туындысы әлемнің 6 тіліне аударылған. Жәмила Бахтиярқызы – жас қаламгер, журналист. 21 жастағы бойжеткен 10 жылын ауыр дертпен күресумен өткізіпті. Соған қарамастан мектепті үздік бітіріп, өзі қалаған журналистика факультетіне оқуға түскен. Жерлесіміз сирек кездесетін аурумен қалай күрескенін, өзіне рух берген жақындарының бастан өткерген қиыншылықтары туралы кітап жазған. Шығармашылыққа жаны құмар жас қаламгердің өлеңдері өз тағдырымен тығыз байланысты.