Сыбайлас жемқорлардан алынған қаражат 72 жаңа мектептің құрылысына жұмсалады. Тиісті түзетулер енгізілген қаулыға Премьер-Министр Әлихан Смайылов қол қойды. Бүгінгі таңда білім беру инфрақұрылымын қолдау қорына 121,7 млрд теңге жиналған. Республикалық бюджет комиссиясы 106 млрд теңге құрайтын 72 жобаны қолдады. Атап айтқанда, 94 млрд теңге 85 мың орындық 69 мектептің және 12 млрд теңге 3 жаңа нысанның құрылысын аяқтауға бағытталады. Осылайша, үш ауысымды оқыту, апатты мектептер мен оқушы орындарының жетіспеушілігі мәселелерін шешу көзделген.