Бір мектептің 69 түлегі грантқа ие болған. Жетісай қаласы Бауыржан Момышұлы атындағы мектеп-гимназиясын биыл тәмамдаған оқушылар көпшілікті осылай таң қалдырды. Ол аз десеңіз, 48 оқушы 100-ден жоғары балл жинаған. Сөйтіп олар еліміздегі маңдайалды жоғары оқу орындарында білім алуға мүмкіндік алып отыр. Мырзашөл өңіріндегі кілең грант иегерлерін дайындайтын мектептің сыры неде? Мұны білу үшін тілшіміз Бақдәулет Анарбай Жетісай ауданына арнайы барып келді.