Түркістан облысында «Тыңайтқыштардың құнын субсидиялау» бағдарламасы бойынша агроқұрылымдарға облыстық бюджеттен 6,5 млрд. теңге қаржы қарастырылған. Қазіргі таңда жоба аясында 9 мыңға жуық шаруашылық 5,2 млрд теңге субсидия алып, мемлекеттік қолдауға ие болды. Нәтижесінде облысқа тыңайтқыш өндірушілер мен сатушылар тарапынан 71,1 мың тонна минералды тыңайтқыш жеткізілді. Сондай-ақ, басым дақылдардың өндірісін субсидиялау бағдарламасы арқылы қайта өңдеуге өткізілген дәндік жүгеріге 10 мың теңге және мақсарыға 20 мың теңге қаржы төлеу жоспарлануда. Айта кетсек, 2022 ж. агроөнеркәсіптік кешен субъектілерін қолдауға 30,3 млрд. теңге бөлінсе, биылғы жылы қолдау көлемі 30%-ға артып, 40 млрд. теңге бөлінген.