Түркістан облысында жүзім шаруашылығын дамытуда жаңа технология қолданылмақ. Бұл жайында Түркістан облысы, Сайрам ауданында өткен дала семинарында айтылды. Оған облыс әкімі Дархан Сатыбалды арнайы қатысып, ғалымдармен, шаруалармен пікір алмасты. «Егінжай күні» дала семинарына білікті ғалымдар, шаруалар мен кәсіпкерлер қатысты. Онда Өзбекстаннан келген сарапшы, «Eco Fruit Conseil» компаниясының басшысы Шухрат Аброров көрші елдегі жүзім өсіру тәжірибесін таныстырды. Түркістан облысының әкімі Дархан Сатыбалды жүзім шаруашылығының маңызына тоқтала келіп, жаңа технология енгізу керектігін айтты.