Жыл басынан бері Түркістан облысында 54 сыбайлас жемқорлық дерегі тіркелді. Ең көбі әлеуметтік қорғау саласына тиесілі. Сондай-ақ ішкі саясатта- 12, жер қатынастарында - 10, білім беру саласында - 5, тұрғын үй саласында - 2 қылмыс тіркелген. Бұл туралы бүгін Түркістан қаласы әкімдігінде өткен сыбайлас жемқорлықтың алдын алуға бағытталған кездесуде айтылды. Жиында сөз алған Түркістан облысы бойынша сыбайлас жемқорлыққа қарсы қызмет департаментінің превенция басқармасының басшысы Ержан Жүнісов өңірде сыбайлас жемқорлық тәуекелдеріне жол берген лауазымды тұлғаларға тоқталып, Отан алдында жүктелген қызметін адал атқармаудың соңы - ауыр қылмысқа соқтыратынын айтты.