Биыл жыл соңына дейін Жетісай ауданындағы 5 елді мекенге газ беріледі. Соның арқасында 10 мың ауыл тұрғыны көгілдір отынға қол жеткізеді. Бұл мақсатта 1,6 млрд.теңге қаражат бөлінген. Жалпы, Жетісай ауданында халықты көгілдір отынмен қамтамасыз ету жұмыстары қарқынды жүргізіліп жатыр. 112 ауылдың 50 пайызы толықтай газдандырылды. Енді тағы 23 ауылға 70 шақырымнан астам құбыр тарту жоспарланып отыр. Одан бөлек 26 елдімекенді көгілдір отынмен қамту үшін жобалық сметалық құжаттары әзірленуде. Жобалау құжаттарын дайындауға 149,3 млн теңге бөлініп, қаражат игеріліп жатыр.