Кәсіпкерлікке кедергі келтірген үш лауазымды тұлға жауапкершілікке тартылды. Бұл туралы облыс департаментінің превенция басқармасының басшысы Ержан Әліұлы баяндады. Жыл басында Сыбайлас жемқорлыққа қарсы қызмет кәсіпкерлерді қорғау бойынша «Бизнеске жол» жобасын іске қосқан. Ондағы мақсат - бизнестің дамуына кедергі келтіретін түрлі әкімшілік кедергілерден қорғау. Бағдарлама басталғалы 1064 кәсіпкердің құқығы қорғалған. Брифинг барысында жоба арқылы шешімін тапқан 18 кәсіпкердің ісі аталды.