Қазақстанда жастарды қолдауға арналған жоба іске қосылмақ. Конкурстың жеңімпаздарына 1 млн теңгеден беріледі. Биыл «Zhas project» жобасы еліміздің 20 өңірінде іске асырылады. Конкурсқа 18 жастан 35 жасқа дейінгі жастар қатыса алады. Жоба жергілікті қоғамдастықтың әлеуметтік мәселелерін шешуге бағытталуы тиіс және 4 айдан аспайтын мерзімде іске асырылуы керек. Ал қандай жобаларға қолдау көрсетілмейтінін Мәдениет және ақпарат министрлігінің өкілі хабарлады.