Келесте ұлтымыздың жанашыры, белгілі қоғам және мемлекет қайраткері, этнограф-ғалым Өзбекәлі Жәнібеков сабақ берген мектеп бар. Аталған білім ошағының құрылғанына биыл 100 жыл толып отыр. Бір ғасырда бұл мектептен ғалымдар, өнер майталмандары мен қоғам қайраткерлері түлеп ұшқан. Инновациялық әдіс-тәсілдерді қолданысқа енгізген мектеп білім сапасы жағынан да көш басында. Бүгінде оқу ордасының 100 жылдық мерейтойы аудан көлемінде жан-жақты атап өтілуде.