Келестік жаттықтырушылар жаңа жылдық кеш өткізуден бас тартып отыр. Есесіне корпоративті отырысқа кететін қаражатты спортпен шұғылданып жүрген балаларға сыйлыққа жұмсады. Осылайша «Келес спорт клубының» ұжымы 50 шақты оқушыға қыстық аяқ киім, күртеше, спорттық киімдер мен сөмке сыйға тартты. Аудандағы бұқаралық спортты дамыту мақсатында құрылған клубта мыңнан астам оқушы спортпен шұғылдануда. Оның 73-і - жасөспірім қыздар. Мейрамханада корпоративтік кеш ұйымдастырудан бас тартқан ұжым осындай игі ісімен көпке үлгі көрсетті.