«Айтылған сыннан нәтиже жоқ. Қателік қайталанып отыр». Бүгін Келес ауданына жұмыс сапарымен барған облыс әкімі Дархан Сатыбалды абаттандыру жұмыстарына көңілі толмайтынын айтты. Аймақ басшысы «Қоғамдық орындардың тазалығын, күтіп-ұстауды аудан әкімдерінің өздері қадағаласын» деп шегеледі. Аудан дамуына қатысты тапсырмаларды тиісті деңгейде орындамаған жауапты басшыларға сын айтып, нақты тапсырма берді.