Егемен еліміздегі әрбір азаматтың игілігін көздейтін Ата заңымызға биыл 28 жыл. Осыған орай Түркістан облысында 20 тармақтан тұратын іс-шаралар жоспары бекітілген. Соған орай өңірдің 17 аудан, қаласында мерекелік көңіл-күйді қалыптастыру бағытында көрнекі безендіру жұмыстары жүргізілуе. Соның басы бүгіннен басталып кетті. Атап айтқанда, Конгресс Холл көпсалалы кешенінде дәл қазір Конституция күніне арналған концерт өтіп жатыр. Шара аясында «Өнерлі өлке» облыстық өнер фестивалінің жеңімпаздары марапатталмақ. Ал ертең Ұлы Дала Елі орталығында «Конституция – кемелдік кепілі» тақырыбында флешмоб ұйымдастырылып отыр. Сондай-ақ «Фараб» ғылыми-әмбебап кітапханасында «Ардың шыңы – Ата заң», «Ата заң алтын діңгегім» тақырыбында кітап көрмелері қойылады.