Орталық Азия мемлекеттерінің басшылары Елордада. Өзбекстан, Қырғызстан, Тәжікстан және Әзербайжан президенттері Астанаға VI Консультативтік кездесуіне қатысу үшін арнайы келген. Алдымен мәртебелі меймандарға «Достық кеші» гала-концерті ұйымдастырылды. Концерттік бағдарлама аясында түркі халықтарының ән мен биі, ұлттық музыкалық аспаптар ансамблінің сүйемелдеуімен «Достық дивертисменті» өтті. Сондай-ақ мемлекет басшылары Орталық Азия елдерінің бейнелеу өнері шеберлерінің туындылары қойылған «Шығармашылық жаңғырығы» көрмесін тамашалады.