Парламентте лудоманияға қарсы әзірленген заң жобасы әлі де қаралып жатыр. Осыған орай, Қаржы Маниторинг Агенттігі Төрағасының орынбасары Қайрат Бижанов пен Мәжіліс депутаты Нартай Сәрсенғалиев кездесті. Агенттік қызметкерлері депутатты "Қаржы пирамидаларына қарсы іс-қимыл", "Қорғау" және басқа да әлеуметтік жобалармен таныстырып, лудоманияға қарсы мемлекеттік платформаны енгізу туралы ұсыныстарын ортаға салды. Қайрат Бижанов бұл жаңашылдық арқылы кәмелетке толмағандардың, лудомандардың, шамадан тыс несиесі бар азаматтар мен әлеуметтік осал топ мүшелерінің бәс тігу мүмкіндігін шектеуге болады,-дейді. Кездесу соңында депутат оларды қарауға және сараптамалық-әдістемелік қолдау көрсетуге дайын екенін жеткізді.