Биыл Қазақстанда қызылша дерті дендеп, балаларға қауіп төндірер басты ауруға айналды. Белең алған бұл ауруды жұқтырғандардың барлығы дерлік вакцина алмағандар. Сондықтан денсаулық сақтау министрлігі қосымша жаппай егу үшін қызылшаға қарсы 500 мың доза вакцина әкелгенін хабарлады. Түркістан облысына 83 000 доза вакцина бөлініп, 67906 бала қосымша жаппай иммундау алды. Осылайша 29 күннің ішінде қосымша вакцина алғандар 35,9 %-ды құрап, облыстағы көрсеткіш айтарлықтай төмендеген. Бұл туралы Түркістан облысының санитарлық-эпидемиологиялық бақылау департаментінің өкілдері баспасөз брифингінде мәлімдеді.