Бүгін Мақтарал ауданында солтүстік өңірлерге "Қоныс аудару" жәрмеңкесі өтіп жатыр. Іс-шарада Абай, Павлодар, Солтүстік Қазақстан, Шығыс Қазақстан облыстарының ірі жұмыс берушілері 3934 бос жұмыс орнын ұсынатын болады. Жәрмеңкеде екі қолға бір күрек тапқан азаматтарға жоғары жалақы мен жайлы баспана да беріледі. Келесі жәрмеңке Сайрам ауданы мен Түркістан қаласында өтеді деп жоспарланып отыр. Айта кетейік, бұл шара «Қуатты өңірлер – ел дамуының драйвері» жобасы аясында ұйымдастырылуда. Мемлекеттік бағдарламаның арқасында 2015 жылдан бері Түркістан облысынан еліміздің жұмыс күші жетіспейтін Солтүстік өңірлерге 11 мыңнан астам адам қоныс аударған.