Түркістан облысы Бәйдібек ауданы прокуратурасының ұйымдастыруымен бірқатар мәселелер талқыланған мекемеаралық мәжіліс өткізілді. Жиынға жергілікті атқарушы және уәкілетті мемлекеттік орган басшылары мен жауапты қызметкерлері қатысты. Негізгі қаралған мәселелер қатарында төтенше жағдайлардың алдын-алу, дала өрті мен шомылу маусымында адамдардың суға кету деректерін болдырмау мәселесі айтылды. Одан бөлек жаз мезгілінде Сібір жарасы мен Конго қырым қанды қызбасы ауруларының алдын-алу жұмыстарының барысы талқыланды. Аталған мәселелер жасалуы тиіс мерзімі белгілене отырып, бірлескен жұмыстарды жедел дайындауға нақты тапсырмалар берілді. Ал осы күнге дейін әрекетсіздік танытып отырған мекеме басшыларының жауапкершілігін арттыру үшін прокурорлық акті енгізілетін болып шешілді.