Былтыр еліміздің шойын жолдары арқылы өтетін транзиттік тасымалдау көлемі 18 пайызға ұлғайып, 27 миллион тоннадан асқан. Бұл жөнінде бүгін Президент қабылдауында болған «Қазақстан темір жолы» ҰҚ» АҚ басқарма төрағасы Нұрлан Сауранбаев мәлімдеді. Көрсеткіштің артуы есебінен компанияның кірісі де 29,3 пайызға өсіп, 1,9 триллион теңгеге жеткен. Былтырғы таза табыс 154 миллиард теңгеден асты. Тағы Нұрлан Сауранбаев Сиань қаласындағы құрғақ портта жүк терминалының құрылысы аяқталғанын да айтты. Кездесу соңында Қасым-Жомарт Тоқаев компанияның инвестициялық жобаларын іске асыру маңызды екенін атап өтіп, еліміздің көлік-транзит әлеуетін дамыту мәселесіне баса назар аударды.