Атыраудағы мұнай компаниясы 13,6 млрд теңге айыппұл арқалады. Атырау облыстық прокуратурасы қауіпті қалдықтар айналымына тексеру жүргізу барысында бірнеше олқылықтар тапқан. Мәселен, "Каспий нефть" АҚ-ның 2021-2022 жылдары бұрғылау және кен орнын пайдалану қызметінде құралған 4500 тоннадан астам қауіпті қалдықтарға жинақталу лимитін алмағаны анықталды. Өндірілген қаражат Ұлттық қорға аударылады. Айта кетейік, Forbes мәліметтері бойынша, "Каспий нефть" 1 жыл ішінде 49 млрд теңге табыс тапқан.