Түркістан облысында бірнеше жылдан бері тоқтап тұрған 7 мектептің құрылысы қайта жанданбақ. Бұл Түркістан облысы әкімі аппаратының мәжілісінде белгілі болды. Қазығұрт, Отырар және Ордабасы аудандарында орналасқан білім ұяларының құрылысы мердігерлер тарапынан тоқтап қалған еді. Бағаның көтерілуі мен пандемия салдарын алға тартқандардың істері қазір сотта қаралып жатыр. Сондай-ақ өңірде әртүрлі себептермен үш көпқабатты тұрғын үйдің құрылысы да тоқтап тұр. Олардың да ісі сотта қаралуда. Маңызды әлеуметтік нысанның құрылысын осыншама уақытқа созу – нағыз қылмыс деген облыс әкімі жосықсыз мергілерге шара қабылдау қажет екенін айтты.