Шымкентте өндірістік аймақтан шыққан өрттен кейін бірнеше кәсіпорынның жұмысы тоқтап, 200-ге жуық адам уақытша жұмыссыз қалды. Сенбі күні «Ордабасы» деп аталатын индустриалды аймақта күкірт толы қоймадан өрт шығып, жақын маңдағы бірнеше елді-мекенге қауіп төндірген соң тұрғындарды жаппай қауіпсіз орынға эвакуациялауға тура келді. Бірнеше адам ауруханаға түсті. 1200 шаршы метрге жайылған жалынды ауыздықтауға Шымкенттің ғана емес, тұтас Түркістан облысынан да өртсөндірушілер жетті. Болған оқиғадан кейін жағдай қалай өрбуде?