Мемлекет басшысына «Amanat» партиясының атынан Премьер-Министрдің кандидатурасы ұсынылды. Amanat фракциясы аталған лауазымына Олжас Бектеновті лайық деп тапқан екен. Енді қолданыстағы заңнамаға сәйкес, Мемлекет басшысы ұсынылған кандидатураны Мәжілістегі партиялардың фракцияларымен жуық арада талқылайды. Ал Бектенов былтыр Қазақстан Президенті Әкімшілігінің басшысы болып тағайындалған. Бұған дейін ол Антикор басшысы қызметін атқарып келді. Айта кетейік, Олжас Абайұлы Бектенов 1980 жылы 13 желтоқсанда Алматы қаласында туған. Қазақ мемлекеттік заң академиясын үздік бітірген, мамандығы «Заңгер». Еске салайық, 5 ақпанда Қазақстан үкіметі отставкаға кеткен болатын. Мемлекет басшысы Қасым-Жомарт Тоқаев Қазақстан Республикасының Үкіметі туралы қаулыға қол қойды.