Түркістан мен Шымкент тас жолында 4 көлік соқтығысты. Апатқа жол бойына шығып кеткен сиыр себеп болған. "Toyota Estima" көлігінің жүргізушісі түнгі уақытта жануарды көрмей қалған. Осыдан кейін көмек көрсету үшін оның жанына "Ауди" автокөлігі тоқтаған. Осы сәтте олардың соңынан келе жатқан тағы екі көлік келіп соқтығысады. Адам шығыны жоқ. Түрлі дене жарақатын алғандарға медициналық көмек көрсетілді. Қазіргі уақытта жауапкершілікке тарту үшін мал иесін анықтау бойынша іздестіру іс-шаралары жүргізілуде.