Сабақ уақытында мұғалім мен оқушының ұялы телефонды қолдануына тыйым салынуы мүмкін. «Ашық» нормативтік-құқықтық актілер порталында Оқу-ағарту министрлігінің осы бұйрығы жарияланды. Байланыс құралын тек қажет болғанда, онда да мұғалім рұқсатымен қолдануға ғана рұқсат беріледі. Сондай-ақ жаңа өзгеріске сәйкес мектепте тәртіп бұзған оқушылар, олардың ата-анасына немесе заңды өкіліне ескертпестен білім ордасынан шығарылмайды. Бұйрық 28 наурызға дейін көпшіліктің ашық талқылауында болады.