Түркістан облысындағы аудан, қалаларда абаттандыру, көгалдандыру және санитарлық тазалау жұмыстары нашар аудан, қала әкімдерінің осы салаға жауапты орынбасарларына тәртіптік шара қолданылды. Облыс әкімі Дархан Сатыбалдының тапсырмасымен, аудан, қалалардағы елді мекендерде тұрақты түрде мониторинг жүргізілуде. Тапсырманы орындау үшін облыс әкімдігі аппаратының бас инспекторлары зерделеу жұмыстарын жүргізіп, кемшіліктерді анықтаған. Атап айтқанда, аудандардағы кей ғимараттардың сыртқы келбеті ескірген. Ағаштар қурап, ретсіз шашылған қоқыс көбейген. Демалыс орындары күтімсіз қалған. Аталған кемшіліктерді ретке келтіруге уақыт берілді. Ендігі уақытта санитарлық тазалық жұмыстарын нашар жүргізген басшылар жауапкершілікке қаралмақ.