Алдағы 6 жылда елде республикалық санаттағы 8 мың шақырым жол жөнделеді. Қазір соның 2 мың шақырымында тиісті жұмыстар басталды. Сондай-ақ, осы жолдардың бойында 300-ден астам қызмет көрсету нысаны салынбақ. Облыстық және аудандық маңызы бар 14 мың шақырым күре жолды жөндеу де күн тәртібінде тұр. Бұл жайында Әлихан Смайыловтың төрағалығымен өткен штаб отырысында айтылды. Премьер-Министр жолдарды жобалау және салу, сондай-ақ оларды күтіп ұстау мәселелерін кешенді түрде шешу қажеттілігін атап өтті.