Бүгін Түркістанда қалалық үстел теннисінен аға жаттықтырушы, ардагер ұстаз Оразбек Божбанбаевтың 75 жылдық мерейтойына арналған мерекелік іс-шара өтті. Шараға ардагер спортшының замандастары, әріптестері, қалалық ардагерлер кеңесінің мүшелері мен туған-туыстары қатысты. Оразбек Жолдасұлы - 55 жыл ғұмырын шәкірт тәрбиелеуге арнаған ұстаз, үстел теннисінен чемпиондарды дайындап жүрген кәсіби жаттықтырушы. Жас ұрпақ тәрбиесiне сiңiрген жемiстi еңбегi үшiн «Қазақ ССР халық ағарту iсiнiң озат қызметкерi», «Кәсiподаққа еңбегi сiңген қызметкер» төсбелгiсiмен марапатталып, Түркiстан қаласының «Құрметтi азаматы» атанған. Жиын барысында ардагер ұстазға Республикалық "Ұстаз жолы" қоғамдық бірлестігінің "Құрмет ордені" және Түркістан қаласының әкімі Нұрбол Тұрашбековтың алғыс хаты табыс етілді.
Жаңалықтар
