Облыс әкімі Дархан Сатыбалды қаланы абаттандыру және көгалдандыру бағытындағы атқарылып жатқан жұмыстармен танысты. Бүгінде әкімшілік-іскерлік қарасты мектеп аумағына 1,75 гектар ағаштар отырғызылған. Одан бөлек, мың метр жерге ойын және спорт алаңшалары салынып жатыр. Сонымен қатар Бекзат Саттарханов даңғылынан әуежай бағытындағы аумаққа 836 ағаш егіліп, орындықтар мен қоқыс жәшіктері орнатылуда. Қосымша 159 метр квадрат аумаққа ойын алаңдары салынады. «Отырар» мөлтек ауданын да 2,34 гектар аумақты алып жатқан субұрқағы бар гүлзар пайдалануға берілді. Қазіргі таңда тұрғын үй аулаларын абаттандыру жұмыстары қарқын алды. Жоспар бойынша ықшамаудандағы үш аулаға ойын және спорт алаңшалары салынады. Көп ұзамай мұнда қозғалмалы орындықтар мен түрлі дизайндағы мафтар қойылып, олар аула ажарын аша түспек. Әкім жауапты басшыларға жобалардың сапасына аса мән беруді тапсырды.
Жаңалықтар
