Түркістанда мемлекеттік қызметшілер арасында сыбайлас жемқорлықтың алдын алу, оның тәуекелдерін жою жөнінде мәжіліс өтті. Жиында сыбайлас жемқорлыққа қарсы күресті күшейту, алдын алу жұмыстарын ширату және өзге де мәселелер талқыланды. Мәжілісті Түркістан облысы әкімі аппаратының басшысы Еркеғали Әлімқұлов жүргізді. Басқосуға сыбайлас жемқорлыққа қарсы іс-қимыл агенттігінің қызметкерлері мен мемлекеттік қызметкерлер қатысты. Талдау көрсеткендей, кейбір мемлекеттік органдарда жемқорлық жағдайы мақтанарлық емес. Себебі, жемқорлық деректері әлеуметтік қорғау, жер қатынастары, ішкі саясат, білім беру, тұрғын үй саласы, құрылыс және денсаулық сақтау салаларында тіркелген. Шара барысында жауаптыларға бармақбасты, көзқысты әрекеттерге жол бермей, мемлекеттік мекемелерде сыбайлас жемқорлық белгілері байқалған жағдайда сенім телефонына немесе құзырлы органдарға хабарлауды тапсырды