Түркістан қаласында оқыс оқиға, ебедейсіз қозғалыстан шыбығын тайдырып, сүйегін сындырып алатындар көбейген. Былтыр 6 400-ден астам тұрғын қалалық аурухананың травмотологиялық пунктіне келген. Алайда "бас жарылса - бөрік ішінде, қол сынса жең ішінде" дегендей, ақ халаттыларға емес, сынықшыларға жүгінетіндер де баршылық көрінеді. Осы жағынан алғанда, дәрігерге баратындар көп пе, әлде халық медицинасына сенетіндер ме? Тақырыпты тілшіміз тарқатсын.