400 бас сиыр сауып, тәулігіне 10 тонна сүт алмақ. Түркістан облысының әкімі Дархан Сатыбалды Сауран ауданындағы ферма жұмысымен танысып қайтты. Мекемеде 35 адам жұмыс істейді. Ірі қаралар Дания елінен жеткізілген. Кәсіпкер сиыр санын 1 200-ге жеткізбек. Осылайша күніне 20 тонна сүт аламын дейді. Инвестор сут фермасын ашуда өз қаражатынан 1,8 млрд теңге жұмсаған. Тағы 1,5 млрд теңгесі әлеуметтік кәсіпкерлік корпорациясы тарапынан қаржыландырылды. Айта кетейік, өңірде ауыл шаруашылығы салаларын несиелеу қарқынды жүріп жатыр. Былтырдың өзінде-ақ бұған ел қазынасынан 6 млрд теңге бөлінген.
Жаңалықтар
