Түркістан облысы бойынша абаттандыру жұмысын дұрыс атқармаған 93 дерек тіркеліп, шара көрілген. Өңірдің тазалығын басты назарда ұстаған облыс әкімі апталық мәжілісте осыны талқылады. Облыс әкімі осы жұмыстарды дұрыс атқара алмай отырған аудан, қала әкімдері мен жауапты басқарма басшыларына жұмысты күшейтуді тапсырды. Айта кетейік, бұған дейін облыс әкімі аудан, қаланы, ауылдарды абаттандыру, көгалдандыру, жол бойындағы үйлердің қасбеттерін және қоршауларын ретке келтіру бойынша тапсырма берген болатын. Абаттандыру бағытындағы жұмыстар тұрақты жалғасады.