Камерун астанасында толассыз жауын салдарынан болған су тасқынынан 27 адам қаза тапты. Одан бөлек, 50-ден астам адам жарақат алды. Қазір із-түссіз жоғалып кеткен азаматтарды іздеу жүріп жатыр. Кенеттен жауған нөсер салдарынан ғимараттар құлап, 30 үй үйіндіге айналған. Сарқырап аққан су кесірінен адамдар үйлерінен 100 метрден астам жерде табылуда. Кейбірі суға батып кеткен. Камерун мемлекеті соңғы жылдары су тасқынынан жиі зардап шекті. Сарапшылар климаттың күрт өзгергенін айтады.