Түлкібас ауданында жеделсатысы бар мектеп ашылды. Жаңа оқу жылы қарсаңында пайдалануға берілген білім ошағы 300 балаға арналған. Бұған дейін Майлыкент ауылдық округіндегі Бақыбек мөлтек ауданында саманнан салынған 50 орындық бастауыш мектебі болған. Ал, жаңа ғимаратта түрлі пәндерге арналған кабинеттер толығымен заман талабына сәйкес жабдықталған. Сондай-ақ оқушылардың тамақтануына арналған 100 орындық асхана да бар. Мектептің ашылу салтанатына облыс әкімінің орынбасары Бейсен Тәжібаев пен аудан әкімі Нұржан Ізтілеуов қатысты. Су жаңа білім ордасының оқушыларына сәттілік тіледі.