Енді Түркістан қаласындағы 1500 ге жуық оқушы демалыстарын қауіпті аймақтарда емес, арнайы бассейндерде өткізеді. Тегін шомылатын оқушылар да белгілі. Бұл тізімге әлеуметтік осал топтағы бүлдіршіндер, аз қамтылған отбасылардың балалары кіреді. Ол үшін Түркістан қалалық төтенше жағдайлар басқармасы және қалалық білімі бөлімі шаһардағы 7 нысанмен меморандумға отырды. Осылайша оқушылар суға тегін шомылады. Ал қауіпсіздік үшін балаларды төтеншеліктер тасымалдайды. Шомылу маусымында бұдан бөлек те дайындық жұмыстары қызып жатыр.