Түркістан облысының әкімі Дархан Сатыбалды келестік тұрғындармен кездесіп, мұң-мұқтажын тыңдады. Кезекті «Ашық есік күні» аясында өткен қабылдауда біршама мәселе көтерілді. Мәселен, Байғабыл елді мекенінің бір тұрғыны қолында мемлекеттік актісі бола тұра, жерінің конкурсқа қойылып кеткенін айтып шағымданды. Ал енді бірі ауыл шаруашылығына арналған төмендетілген несие ала алмай жүргенін жеткізді. Бұдан бөлек, Жамбыл Біртілек және Игілік ауылының тұрғындары асфальт жол, сапалы ауыз су мәселесін көтерді. Барлығы қағазға түртілді. Құқық қорғау органдарының және облыстық басқарма басшылары мен өкілдерінің назарына ілікті. Енді мамандар әр мәселені майшаммен қараймыз деп отыр.