Түркістан облысы бойынша өткен жылы 414 бей-берекет қоқыс орны анықталып, тазаланған. Қазіргі таңда өңірде қатты тұрмыстық қалдықтар тастайтын 151 полигон орны арнайы белгіленсе, оның 107-сі нормаға сәйкес келмейді. Өткен жылы қоқыстарды қайта өңдеу үлесі 23%-ға жоспарланып, толық орындалса, биылғы меже 26%-ға жоспарланып отыр. Сондай-ақ, облыста қоқыс шығарумен 58 мекеме айналысады, 247 дана техника қызмет көрсетеді. Бұл туралы тұрмыстық қатты қалдықтарды басқару саласындағы өзекті мәселелерді талқылауға арналған жиында айтылды. Шарада әр ауданнан келген қоқыс шығару мекемелерінің басшылары бұл саланы оңтайландыру бойынша облыс төңірегінде ассоциация құру жөнінде ұсыныс енгізді.