Түркістан облысында 121 мектептің тозығы жетіп тұр. Мұндай деректі бүгін Парламент мәжілісі жалпы отырысында депутат Тимур Қырықбаев келтірді. Мәселен, Ордабасы ауданына қарасты Елшібек батыр ауылында бірде-бір мектептің жоқтығынан оқушылар амалсыздан талапқа мүлдем сай келмейтін ғимараттарда білім алып жүр. Сондықтан өңірдегі білім ордаларын күрделі жөндеуден өткізу уақыт күттірмейтін іс. Ал оған қаражат облыстан емес, республикадан бөліну керек,-деп Үкіметке депутаттық сауал жолдады.